IVF (Fertilizimi In Vitro) | Egian by Intermedica

1. Çfarë është Fertilizimi In Vitro (IVF)?

Fertilizimi In Vitro (IVF) është një trajtim modern për çiftet që kanë vështirësi për të mbetur shtatzënë në mënyrë natyrale. Në vend që fekondimi (bashkimi i vezës me spermën) të ndodhë brenda trupit të gruas, ai ndodh në kushte të kontrolluara në laborator – "in vitro".

Gjatë kësaj procedure, vezët mblidhen nga vezoret e gruas dhe fekondohen me spermën e partnerit (ose dhuruesit) në laborator. Pasi krijohen embrionet, mjekët zgjedhin më të shëndetshmin dhe e vendosin në mitrën e gruas, me qëllimin që të ndodhë shtatzënia.

IVF është një zgjidhje shumë efektive për shumë çifte që kanë ëndërr të bëhen prindër. Teknika është e sigurt dhe përdor teknologji të avancuar, duke u dhënë mundësi çifteve të kenë një fëmijë biologjik. Për shumë prindër të ardhshëm, IVF përfaqëson jo vetëm një metodë mjekësore, por një shpresë reale për një jetë të re.

Kush mund të bëjë In Vitro Fertilizim (IVF)

Gratë me probleme të fertilitetit: Bllokim ose dëmtim të tubave fallopiane, endometriozë, çrregullime ovulimi ose rezervë ovariane e ulët, moshë e avancuar (zakonisht mbi 35 vjeç).

Burrat me infertilitet mashkullor: Numër i ulët, lëvizshmëri e dobët ose formë jonormale e spermës, obstruksion në kanalet e ejakulimit.

Çiftet me infertilitet të pashpjeguar: Kur nuk arrihet shtatzënia pas 1–2 vitesh marrëdhënie të rregullta, pa shkak të identifikuar.

Raste me dështime të përsëritura: Dështime me inseminim (IUI) ose aborte të përsëritura pa arsye të qartë.

Raste të veçanta ose sociale: Ruajtja e fertilitetit para trajtimeve mjekësore (p.sh. kimioterapi), përdorimi i dhurimit të spermës, vezëve ose nënës surrogate, çifte të të njëjtit seks ose gra beqare që kërkojnë ndihmë riprodhuese.

2. Pse të zgjidhni Shqipërinë për IVF?

1. Eksperiencë e Gjerë dhe Kujdes ndaj Detajeve

Mjekët tanë kanë eksperiencë shumëvjeçare në fushën e mjekësisë riprodhuese dhe fertilizimit in vitro, duke trajtuar me sukses raste të ndryshme dhe komplekse. Çdo pacient trajtohet me vëmendje të veçantë, duke u garantuar siguri, profesionalizëm dhe kujdes deri në detaj.

2. Personalizim i Trajtimit

Çdo çift ka historinë dhe nevojat e veta, prandaj protokollet dhe trajtimet përshtaten individualisht. Ky qasje e personalizuar rrit ndjeshëm shanset për sukses dhe krijon një përvojë të veçantë dhe të mbështetur gjatë gjithë procesit.

3. Teknologji Bashkëkohore dhe Standarde Cilësie

Laboratorët janë të pajisur me aparatura moderne dhe metoda të avancuara për kultivimin dhe vëzhgimin e embrioneve, si dhe për diagnostikën gjenetike para-implantacionale (PGT-A, PGD). Të gjitha procedurat zbatohen sipas standardeve ndërkombëtare të akreditimit (EN ISO 9001, ISO 15189), duke garantuar siguri të plotë, saktësi maksimale dhe rezultate të besueshme.

4. Koha e Shkurtër e Pritjes

Nuk ka lista pritjeje me muaj të tërë; shumica e proceseve fillojnë brenda javëve të para të kontaktit. Planifikim fleksibël dhe mundësi për të përshtatur datat e procedurës sipas nevojave të çiftit.

5. Mbështetje e Plotë për Pacientë Ndërkombëtarë

Ekipi ofron shërbim të personalizuar në disa gjuhë (shqip, anglisht, italisht dhe frëngjisht), duke siguruar komunikim të qartë dhe të lehtë për pacientët ndërkombëtarë. Gjithashtu, ofrohet asistencë e plotë logjistike përfshirë organizimin e fluturimeve, akomodimit dhe transportit, si dhe koordinim të detajuar të vizitave mjekësore dhe ndjekje të vazhdueshme online pas procedurës.

6. Ambient Mikpritës dhe Turistik

Pacientët kombinojnë trajtimin mjekësor me pushime relaksuese: plazhet e bregdetit jonian, historitë e qyteteve si Berati dhe Gjirokastra, ushqimi mesdhetar. Klima e butë e Mesdheut dhe mikpritja shqiptare krijojnë një eksperiencë emocionalisht mbështetëse.

7. Kuadër Ligjor i Favorizuar

Shqipëria ka një kuadër ligjor liberal për fertilizimin in vitro (IVF) dhe teknikat e riprodhimit të asistuar (ART). Ligji “Për Shëndetin Riprodhues” (2002, i ndryshuar më 2009) lejon: IVF, përdorimin e vezëve/spermës/embrioneve të dhuruara, diagnostikën para-implantacionale (PGD), kriopreservimin, dhe transferimin e embrioneve. Ligji nuk vendos kufizime të ashpra mbi numrin e embrioneve dhe nuk kufizon aksesin vetëm për çifte të martuara. Procedura janë të rregulluara dhe të sigurta, pa barriera të panevojshme administrative.

3. Pse të Zgjidhni Egian by Intermedica?

Egian by Intermedica është një nga qendrat më të konsoliduara në Shqipëri për trajtimin e infertilitetit dhe Fertilizimin In Vitro (IVF), me një histori që fillon në vitin 2008. Që prej themelimit, programi IVF është udhëhequr nga Dr. Genc Kabili, një figurë me mbi 25 vite përvojë klinike në obstetrikë, gjinekologji dhe riprodhim të asistuar, i trajnuar në Zvicër dhe me eksperiencë në qendra të njohura evropiane.

Përkushtimi i Dr. Kabilit ndaj shkencës mjekësore dhe qasja e tij njerëzore kanë bërë që mijëra çifte, nga Shqipëria dhe jashtë saj, të realizojnë ëndrrën për t'u bërë prindër. Ai mbështet një filozofi trajtimi që kombinon protokolle të personalizuara, ndjekje të vazhdueshme dhe etikë të lartë mjekësore.

Teknologji në Nivel Europian – Laborator IVF i Gjeneratës së Re

Qendra jonë e Fekondimit in Vitro (IVF) është e pajisur me teknologji moderne të certifikuara sipas standardeve europiane, duke garantuar kushte optimale për çdo fazë të trajtimit riprodhues:

Mars-IVF Class II Workstation nga ORIGIO® – stacion pune steril për manipulimin e qelizave riprodhuese
G210 InviCell™ nga K Systems™ – inkubator me kontroll të pavarur për çdo embrion, që ruan stabilitetin ideal të temperaturës dhe atmosferës, si në kushte natyrore
RI Integra 3™ Micromanipulator nga Research Instruments™ – për procedura mikromanipulative me precizion të lartë (si ICSI dhe IMSI)
Voluson E8™ nga GE HealthCare – një nga ekografitë më të avancuara në shëndetin e gruas, për monitorim të detajuar të vezoreve dhe mitrës

Falë këtyre pajisjeve, ofrojmë trajtime të avancuara si:

ICSI (Injeksion Intracitoplazmatik i Spermës)
IMSI, Assisted Hatching
PGT-A dhe PGD (testim gjenetik paraimplantues)
FET (Transferimi i Embrioneve të Ngrira), etj.

Shërbim i plotë dhe kujdes gjithëpërfshirës

Përveç teknologjisë dhe ekspertizës, Egian by Intermedica ofron:

Ekip multidisiplinar të specializuar, që përfshin mjekë obstetër-gjinekologë, endokrinologë të riprodhimit, embriologë, infermierë të përkushtuara dhe anestezistë me përvojë.
Ambiente moderne, të rehatshme dhe mikpritëse, që krijojnë një atmosferë të ngrohtë dhe qetësuese për çdo pacient.
Konsultë paraprake me obstetër-gjinekolog, për të hartuar një plan trajtimi të personalizuar.
Mundësinë për të kryer të gjitha analizat dhe ekzaminimet e nevojshme që nga fillimi i procesit IVF, gjatë çdo tremujori të shtatzanisë dhe në fazën pas lindjes, në një laborator të akredituar sipas standardeve europiane (ISO). Laboratori ynë është certifikuar në menaxhim cilësie me EN ISO 9001:2015 dhe akredituar me EN ISO 15189:2012 nga Hellenic Accreditation System (E.S.Y.D.), duke u renditur ndër laboratorët me standardet më të larta në rajon. Gjithashtu, Egian by Intermedica bashkëpunon dhe me institucione ndërkombëtare të njohura si Mayo Clinic (SHBA), Bioiatriki, NIPD Genetics, European Laboratory of Nutrients, Bioscientia, etj., për teste të specializuara dhe të avancuara, duke garantuar saktësi dhe cilësi maksimale të rezultateve.
Shërbim të plotë HSG (Histerosalpingografi) pranë qendrës sonë – një ekzaminim i rëndësishëm diagnostik për vlerësimin e tubave fallopiane para fillimit të trajtimit IVF.

Në Egian, ne nuk ofrojmë vetëm trajtim – por një udhëtim të sigurt dhe të mbështetur drejt prindërimit. Me përkushtim, teknologji të avancuar dhe një ekip të dedikuar, jemi këtu për t'ju ndihmuar të realizoni ëndrrën tuaj.

Ambienti i pritjes

Laborator bashkëkohor

Kabineti i konsultave

4. Rreth Dr. Genc Kabili, PhD

Dr. Genc Kabili, PhD

Mjek Obstetër/Gjinekolog dhe specialist i Infertilitetit

Është pjesë e Qendrës Mjekësore "Egian by Intermedica" prej 20 vitesh

Dr. Genc Kabili ka përfunduar studimet për Mjekësi në "Fakultetin e Mjekësisë, Universiteti i Tiranës" me rezultate të shkëlqyera dhe më pas ka ndjekur specializimin pasuniversitar në fushën e Obstetrikë Gjinekologjisë pranë këtij fakulteti.

Ka një eksperiencë mbi 25 vjeçare në fushën e Obstetrikë/Gjinekologjisë, i fokusuar kryesisht në fushën e Fekondimit In Vitro (IVF) dhe trajtimit të infertilitetit në çifte.

Trajnim ndërkombëtar: Dr. Kabili ka punuar për 3 vite pranë Maternitetit të Gjenevës, Zvicër, duke u trajnuar e specializuar për Fertilizimin in Vitro (IVF) në teknikat e stimulimit të kontrolluar të vezoreve, inseminimit Intra-Uterin, konsulencës gjenetike për PGT-A dhe Mjekësi Fetale.

Eksperienca Profesionale:

2004-2016: Mjek Obstetër/Gjinekolog në Spitalin Universitar Obstetrik/Gjinekologjik "Koço Gliozheni", Tiranë

2016-2024: Mjek Obstetër/Gjinekolog në Spitalin Amerikan 2, Tiranë

Prej 2008 dhe aktualisht: Obstetër/Gjinekolog dhe specialist i Infertilitetit dhe Fertilizimit in Vitro (IVF) pranë Qendrës Mjekësore "Egian by Intermedica" duke ofruar të gjithë gamën e shërbimeve të Teknikave të Riprodhimit të Asistuar

Anëtarësitë Profesionale:

Urdhri i Mjekëve Shqiptarë
Shoqata e Gjinekologëve dhe Obstetërve Shqiptarë, anëtare e OBSH (që prej 2003)
Anëtar i International Federation of Fertility Societies (IFFS)

Status i veçantë: Dr. Genc Kabili është anëtar me status të mirë në International Federation of Fertility Societies (IFFS), nga vitin 2021 – një organizatë globale që bashkon profesionistët më të shquar në fushën e fertilitetit dhe mjekësisë riprodhuese.

Dr. Kabili është njohur për profesionalizëm, kujdes ndaj pacientit dhe qasje etike në çdo rast klinik. Ai mbikëqyr çdo hap të procesit IVF personalisht.

Diplomë e Avancuar në Mjekësinë Riprodhuese dhe ART – Universiteti i Schleswig Holstein, Kiel, Gjermani (2021).

Anëtar i Shoqatës Ndërkombëtare të Ekografisë në Obstetrikë dhe Gjinekologji (ISUOG, 2025).

Anëtar i Federatës Ndërkombëtare të Shoqërive të Fertilitetit (IFFS, 2021).

Certifikatë Specializimi në Mjekësi dhe Biologji të Riprodhimit – Universiteti i Gjenevës

5. Teknologjitë që përdorim – IVF i avancuar

Qendra jonë është e pajisur me teknologjinë më të përparuar në fushën e mjekësisë riprodhuese. Çdo trajtim personalizohet bazuar në nevojat dhe historikun unik të çdo pacienti, duke rritur ndjeshëm shanset për sukses.

Infrastrukturë Teknologjike Moderne

Përveç përvojës dhe ekspertizës sonë mjekësore, përdorim një gamë të gjerë pajisjesh të specializuara që garantojnë cilësi të lartë dhe siguri maksimale gjatë çdo faze të trajtimit:

Mars-IVF Class II Workstation nga ORIGIO®
Stacion pune steril, i krijuar për manipulimin e qelizave riprodhuese në kushte të kontrolluara. Siguron mbrojtje të lartë për embrionet dhe vezët gjatë procedurave laboratorike.
G210 InviCell™ nga K Systems™
Inkubator inovativ me kontroll individual për secilin embrion, i cili ruan parametrat optimalë të temperaturës dhe gazrave, duke krijuar një ambient sa më të afërt me trupin e nënës.
RI Integra 3™ Micromanipulator nga Research Instruments™
Pajisje mikromanipulative për precizion maksimal gjatë procedurave delikate si ICSI dhe IMSI. Siguron kontroll të plotë mbi qelizat nën mikroskop.
Voluson E8™ nga GE HealthCare
Një nga ekografitë më të avancuara për shëndetin riprodhues të gruas. Ofron imazhe të qarta dhe të detajuara për monitorimin e vezoreve, mitrës dhe endometrit gjatë ciklit IVF dhe më tej.

Procedurat dhe Shërbimet që Ofrojmë

Çdo trajtim që ofrojmë mbështetet në teknologji moderne dhe përgatitet në mënyrë të personalizuar për nevojat e çdo çifti që na beson ëndrrën e tyre për t'u bërë prindër:

IVF Klasik – Fekondimi In Vitro
Një nga teknikat më të përdorura për trajtimin e infertilitetit, ku vezët fekondohen me spermë në kushte laboratorike.
ICSI – Injektimi Intracitoplazmatik i Spermës
Përdorur kryesisht në rastet me infertilitet mashkullor, ku një spermatozoid përzgjidhet dhe injektohet direkt në vezë.
FET – Transferimi i Embrioneve të Ngrira
Lejon ruajtjen e embrioneve për përdorim të mëvonshëm, kur mukoza e mitrës është më e përgatitur për implantim.
PICSI – Injeksion Fiziologjik Intracitoplazmatik i Spermatozoidit
PICSI është një teknikë e përdorur në fertilizimin in vitro (IVF) (specifikisht gjatë ICSI) për të zgjedhur spermatozoidin më të shëndetshëm për fekondim. Kjo përfshin përdorimin e një substance të quajtur acid hialuronik për të identifikuar spermatozoidët që kanë më shumë gjasa të jenë të pjekur dhe të kenë fragmentim më të ulët të ADN-së, duke përmirësuar potencialisht shkallët e shtatzënisë dhe duke reduktuar rreziqet e abortit spontan.
PGT-A & PGD – Testime Gjenetike para Implantimit
Analizojnë embrionet për anomali kromozomale ose mutacione gjenetike, për të rritur shanset për një shtatzëni të shëndetshme. Në këto testime gjenetike, ne si staf i specializuar ofrojmë konsulencë të dedikuar dhe mbështetje në çdo rast, duke ndihmuar çiftet të marrin vendimet më të mira për shëndetin riprodhues.
IMSI – Përzgjedhje e avancuar e spermës me zmadhim deri në x6000
Përzgjedhje ultra-precize e spermatozoidëve për pacientët me cilësi të ulët të spermës ose dështime të mëparshme në IVF/ICSI.
Assisted Hatching
Teknikë ndihmëse për të lehtësuar "çeljen" e embrionit dhe ngjitjen e tij në mitër. Rekomandohet për gratë në moshë më të avancuar ose me embrione të ngrira.
EmbryoGlue®
Zgjidhje mbështetëse që ndihmon embrionin të ngjitet më lehtë në endometër, duke përmirësuar shanset për implantim të suksesshëm.
ERA – Analiza e Receptivitetit Endometrial
Test që përcakton momentin ideal për transferimin e embrionit, sidomos në rastet me dështime të përsëritura.
IVM – Maturimi In Vitro i Vezëve
Alternativë për gratë me rezervë ovariane të ulët. Vezët mblidhen pa stimulim të plotë hormonal dhe piqen në laborator.

RI Integra 3™ Micromanipulator nga Research Instruments™

G210 InviCell™ nga K Systems™

Mars-IVF Class II Workstation nga ORIGIO®

6. Hapat e Procesit të IVF

1. Konsulta fillestare dhe vlerësimi i çiftit

Në takimin e parë, realizohet një intervistë e detajuar me çiftin për të kuptuar historikun mjekësor, kohëzgjatjen e infertilitetit dhe çdo trajtim të mëparshëm. Ky është hapi ku ndërtohet plani personal i trajtimit.

2. Analizat hormonale dhe ekzaminimet laboratorike

Bëhen analizat hormonale (FSH, LH, Estradiol, AMH, TSH, Prolaktinë etj.) për të vlerësuar rezervën ovariane dhe statusin hormonal. Tek partneri mashkull kryhet spermiograma për të analizuar cilësinë e spermës.

3. Ekografia transvaginale dhe kontrolli i mitrës

Përdoret për të vlerësuar gjendjen e vezoreve, mitrës dhe endometrit. Nëse është e nevojshme, kryhen ekzaminime shtesë si histerosalpingografia (HSG) ose histeroskopia.

4. Stimulimi ovarian i kontrolluar

Përdoren injeksione hormonale të personalizuara për të nxitur vezoret që të prodhojnë më shumë vezë sesa në një cikël natyral. Kohëzgjatja është zakonisht 8–12 ditë dhe monitorohet ngushtësisht.

5. Monitorimi i folikulave dhe estradiolit

Gjatë stimulimit, realizohen ekografi të shpeshta dhe analiza gjaku për të vlerësuar zhvillimin e folikulave dhe për të përcaktuar kohën ideale për aspirimin e vezëve.

6. Aplikimi i injeksionit për maturim (trigger shot)

Kur folikulat janë të pjekura, aplikohet një injeksion (hCG ose agonist GnRH) për të nxitur maturimin përfundimtar të vezëve para aspirimit.

7. Aspirimi i vezëve (OPU - Ovum Pick Up)

Nën anestezi të lehtë dhe me ndihmën e ekografisë, mjeku mbledh vezët nga vezoret. Ky është një procedurë e shkurtër (10–15 minuta), e realizuar në kushte sterile dhe pa dhimbje.

8. Fekondimi laboratorik i vezëve

Vezët e mbledhura bashkohen me spermën në laborator për të realizuar fekondimin. Në rastet natyrale përdoret metoda IVF klasik. Në rastet me probleme të spermës përdoret metoda ICSI (mikroinjeksion i spermës brenda vezës).

9. Kultivimi dhe vëzhgimi i embrioneve

Embrionet zhvillohen në kushte të kontrolluara laboratorike për 3–5 ditë. Gjatë këtij procesi, ato ndiqen me kujdes në çdo hap të zhvillimit të tyre, në mënyrë që të përzgjidhen embrionet me potencialin më të mirë për arritjen e një shtatzënie të suksesshme. Zakonisht, pritet që embrioni të arrijë stadin blastocist për një transferim me shanse më të larta suksesi.

10. Testimi gjenetik paraimplantues (opsional)

Për çiftet me histori të dështimeve të përsëritura ose sëmundje gjenetike, mund të kryhet PGT-A (për aneuploiditë) ose PGD (për mutacione specifike) për të përzgjedhur embrionet më të shëndetshme.

11. Transferimi i embrionit në mitër

Embrioni (ose më shumë se një, sipas rastit) transferohet në mitër me një kateter shumë të hollë. Ky është një proces pa dhimbje dhe nuk kërkon anestezi. Transferimi mund të kryhet në të njëjtin cikël të stimulimit (fresh transfer) ose në një cikël të mëvonshëm (Frozen Embryo Transfer – FET).

12. Mbështetja hormonale pas transferimit

Pas transferimit, përshkruhen suplemente hormonale (zakonisht progesteron) për të ndihmuar implantimin dhe mbështetjen e shtatzënisë në javët e para. Kjo terapi është thelbësore për të krijuar një mjedis të favorshëm në endometër dhe për të rritur shanset që embrioni të zhvillohet me sukses.

13. Testi i shtatzënisë (β-hCG)

Rreth 10–14 ditë pas transferimit, bëhet një test gjaku për të matur nivelet e β-hCG – hormoni i shtatzënisë. Nëse është pozitiv, planifikohet ekografia e parë për të konfirmuar praninë e embrionit në mitër.

14. Ndjekja e shtatzënisë nga mjeku specialist

Në rast të një rezultati pozitiv, pacientja ndiqet nga Dr. Genc Kabili, apo nga mjekët Obstetër/Gjinekolog të tjerë të qendrës mjekësore Egian by Intermedica si Dr. Arian Kashami ose Dr. Jonida Dautllari, gjatë javëve të para të shtatzënisë për të siguruar që zhvillimi embrional po ecën siç duhet.

7. Histori të vërteta suksesi

Blerina & Artani – Shtatzënë pas 12 vitesh

Pas shumë përpjekjesh në shtete të tjera, në Egian gjetëm përkujdesje dhe shpresë. Sot jemi prindër të dy binjakëve falë Dr. Kabilit.

Ariela, 35 vjeç, Francë

Vendosa të bëj IVF në Shqipëri për shkak të kostove të ulëta dhe profesionalizmit të njohur të Dr. Kabilit. Shtatzënë që në ciklin e parë!

8. Mbështetje për pacientët ndërkombëtarë

Kujdesi pas transferimit – për një shtatzëni të suksesshme

Pas procedurës së IVF, angazhimi ynë ndaj jush nuk përfundon. Ekipi ynë mjekësor vazhdon të ndjekë nga afër çdo hap, për të siguruar që procesi të ecë mbarë dhe që ju të ndiheni të mbështetur:

Kontrolli i hershëm i shtatzënisë me ekografi – realizohet zakonisht 10–14 ditë pas transferimit për të konfirmuar implantimin.
Mbështetje psikologjike – për çiftet që përjetojnë stres emocional gjatë trajtimit, ofrojmë këshillim me psikologë të specializuar në fertilitet.
Protokolle të personalizuara pas implantimit – përcaktohen bazuar në nevojat tuaja individuale për të siguruar mbështetje hormonale dhe monitorim të kujdesshëm.
Koordinim me mjekun tuaj në vendin e origjinës – për pacientët që kthehen në vendin e tyre pas trajtimit, ofrojmë të gjithë dokumentacionin dhe udhëzimet për vazhdimin e kujdesit atje.

Për pacientët që vijnë nga jashtë Shqipërisë

Nëse po mendoni të realizoni IVF në Shqipëri, Egian by Intermedica ofron një eksperiencë të organizuar dhe të sigurt nga fillimi deri në fund. Kujdesemi që çdo gjë të jetë sa më e lehtë për ju – që nga mbërritja, trajtimi, deri tek kthimi në vendin tuaj.

Ne ofrojmë:

Transport të organizuar nga Aeroporti Ndërkombëtar i Rinasit deri në klinikë ose hotel.
Asistencë në disa gjuhë të huaja – stafi ynë flet rrjedhshëm anglisht, italisht dhe frëngjisht.
Paketa të kombinuara "Trajtim + Akomodim" për qëndrime 10–14 ditore në Tiranë.
Sugjerime për hotele të afërta, restorante të përshtatshme dhe ambiente relaksuese gjatë qëndrimit tuaj.
Ndihmë me dokumentacionin mjekësor dhe recetat, për t'ju ndihmuar të vazhdoni kujdesin në vendin tuaj pas përfundimit të trajtimit.

Egian by Intermedica është zgjedhja juaj e sigurt, e ndershme dhe profesionale për IVF në Shqipëri.

Ekipi ynë është këtu për t'ju udhëhequr me kujdes, përkushtim dhe transparencë në çdo hap të rrugës drejt prindërimit.

Fertilizimi In Vitro (IVF)